ቢደርብብሽስ?

ከሶስት ወንዶች መካከል አንደኛው በድብቅ ተደራቢ ፍቅረኛ እንደሚይዝ ጥናቶች ያሳያሉ። “ታማኜ ነው፤ ከልቡ ያፈቅረኛል፤ ሌላ ሴት በፍጹም አያስብም!” በማለት እርግጠኛ ሆነሽ የምትመሰክሪለት ባልሽ ወይም ፍቅረኛሽ፣ ከሌላ ሴት ጋር በድብቅ የፍቅር ግንኙነት ጀምሮ ብትይዥው ለማመን ይከብድሽ ይሆናል።

ፍቅረኛሽ ወይም ባለቤትሽ፣ በላይሽ ላይ ሌላ ሴት መደረብ፣ አለመደረቡን ለማወቅ ከፈለግሽ፦

1) ልብሽን በጥሞና አዳምጪ። ልብሽ የሆነ ነገር መጠርጠር ከጀመረና ሁል ጊዜ የባልሽን ወይም የፍቅረኛሽ የገንዘብ ቦርሳ ወይም ኪሱን ፈትሺ፣ ፈትሺ የሚልሽ ከሆነ፤ ሞባይሉን እንድታዪና ኢሜይሉን እንድታነቢ ከገፋፋሽ፤ ባልሽ ወይም ፍቅረኛሽ የሆነ ነገር ከአንቺ እየደበቀ መሆን አለበት፤ በሁለታችሁ መካከል ችግር ተፈጥሯል ማለት ነው። ምንም ነገር ካላገኘሽበት፣ ቅሬታሽን በመግለጽ የደበቀሽ ነገር ካለ ግልጽ ሆኖ እንዲነግርሽ አዋይው። በርግጥ ዝም ብሎ መጠራጠር ጥሩ አይደለም። ምክንያታዊ ካልሆነ ቅናት የመነጨ ሊሆን ይችላል። ምክንያታዊ ያልሆነ ቅናት ደግሞ የመልካም ግንኙነት ፀር ነው። ነገር ግን ጥርጣሬሽ ምክንያታዊ ከሆነ፣ ለጥርጣሬሽ መፍትሄ እስክታገኚ ድረስ ፍንጭ ፍለጋሽን አታቋርጭ። አንዳንዴ ደግሞ ምን ያህል እንደምትወጂው ለማወቅ ሲል፣ አውቆ እንድትጠረጥሪው ሊያደርግሽ ይችላል፤ ወደ ቅናት ዓለም፣ ወደ ጥርጣሬ ይገፋፋሽ ይሆናል። አንዱን ከሌላኛው ለይቶ ማወቅ ያንቺ ፋንታ ነው።

2) ያለባሕሪው ቁጡነት ካበዛ ችግር አለ ማለት ነው። በሰላም ስታናግሪውም ሆነ ስለግንኙነታችሁ ስታዋይው ዓይኖችሽን እያየ የማያዋራሽ ከሆነ፣ አንድ የቋጠረው ሚስጢር መኖር አለበት።

3) ጥያቄ ስታበዢበት አንድ ፍንጭ ከሰጠሽ ፍንጩን ችላ አትበይ። ለምሳሌ እየደጋገመች የምትደውልለት ሴት ካለችና የሥራ ቦታ ባልደረባው መሆኗን ገልጾ ዝም ካለ፣ ከባልደረባነቷ በላይ ሌላም ነገር ስለሚኖር በመሐከላቸው ያለውን ግንኙነት በደንብ አጣርተሽ እወቂ።

4) በጣም የሚቀርባት የሴት ጓደኛ ካለችው እሷን በዓይነ ቁራኛ ተከታተያት። በርግጥ ለምን የሴት ጓደኛ ያዝክ ወይም ኖረህ ማለት አትችይም። አንቺም የወንድ ጓደኞች ሊኖሩሽ ስለሚችሉ። ነገር ግን አንዳንድ ጊዜ ጓደኝነት ሲጠብቅ ወደ ፍቅር ሊያመራ ይችላል። ከአንቺ ይልቅ ከሴት ጓደኛው ጋር ብዙ ጊዜ የሚያሳልፍ ከሆነ ደስተኛ እንዳልሆንሽ ንገሪው። የማይሰማሽ ከሆነ ነገር አለ ማለት ነው።

5) አንዴ ካታለለሽ ወይም ከዋሸሽ አሳፍሪው። ደግሞ ካታለለሽ ወይም ከዋሸሽ ግን በራስሽ እፈሪ። ለምሳሌ ሳይበር ላይ ከተዋወቃት ልጅ ጋር ሲያወራ ይዘሽው ስለሷ ከዋሸሽ፣ ደግሞ እስኪዋሽሽ አትጠብቂ። “ወይ እሷን፣ ወይ እኔን ምረጥ” በይው! በአካል ባያገኛትም በሐሳቡ ከእሷ ጋር ስለሆነ በአንቺ ላይ እንደ ደረባት ወይም በሐሳቡ እንደ ወሸማት ቁጠሪ።

6) “ችግሩ ከእኔ ይሆናል” እያልሽ፣ ራስሽን እየወቀሽ፣ እሱ ከሌላ ሴት ጋር ዓለሙን ሲቀጭ፣ አንቺ በሐዘን አትቆዝሚ። የልብሽን ጥርጣሬ አዳምጪው። ልብሽ አንዴ ሊዋሽሽ ይችላል፣ ደግሞ ግን አይዋሽሽም። እየተጠራጠርሽ አብሮ ከመኖር፣ ከጥርጣሬ ነጻ ሆነሽ መኖር ጤናማነት ነው። ሌላ ሴት እያየ ከሆነ በግልጽ እንዲነግርሽ ጠይቂው። ይነጫነጭ፣ ያኩርፍ። እውነትን የማወቅ መብት አለሽ።

7) ለመናገር ፈቃደኛ ካልሆነ ወይም ሌላ ሴት እንደማያውቅ ከተናገረ፣ ነገር ሳይወሳሰብ ለጥርጣሬሽ መፍትሄ አግኚ። በሚስጢር የሚያደርገውን ነገር ተከታትለሽ አሳማኝ መረጃ በእጅሽ ውስጥ ካስገባሽ በኋላ ለስንብት ራስሽን አዘጋጅ።

8)መለያየትን እንደ አማራጭ ካላየሽ ደግሞ ለምን ሌላ መደረብ እንዳስፈለገው በግልጽ እንዲነግርሽ ጠይቂው። “ከእኔ ምን ጎድሎብህ ነው? በወሲብ ሳትረካ ቀርተህ ነው? እንደ ድሮው ውብ ሆኜ አልታየሁህም?” በማለት አፋጥጪው። ምላሽ ካለው፣ ተወያይታችሁ ችግራችሁን አርሙ። ምላሽ ከሌለው፣ ካንቺ ምንም ነገር ካልጎደለ፣ ጥፋቱ ሙሉ በሙሉ የእሱ ሆኖ ከተገኘ ግን “ሁለተኛ አይለመደውም” ብለሽ ራስሽን አታታልይ። አንዴ ተደብቆ ፍቅረኛ ከያዘ፣ ነገር ከተረጋጋ በኋላ ተመልሶ ወደ ድሮ ባህሪው መመለስ አያቅተውም። ስለዚህ በውሳኔሽ ላይ በደንብ አስቢበት። በላይሽ ላይ እንደሚደርብ እያወቅሽ፣ አንገትሽን ደፍተሽ መኖር ይሻላል ወይንስ የራስሽን ነጻ ህይወት መምራት? ሆኖም መደረቡ ሰላም ካልነሳሽ፣ የሚመችሽ ከሆነ፣ “ይድላሽ” ባዮች ነን።

3 thoughts on “ቢደርብብሽስ?

  1. Pingback: ብትደርብብህስ « ቅዱሱ ብልግና ቤት

  2. i thinke its a good idea and suggestion b/c its difficult to be hurted by the one you love so it make people tp be alert and not to be fulled all the way arround so i like it

  3. Endet nachue betam yenen cheger selanesachu des blognale ke fekregnaye gar abren kehonen 5 amte hononal ke 2 amete wedihe gen lebe betam yetretrewal ke ande wer befit ande 2 Ken selk sedewelelt ayanesam keza mengede lay taxi setebk kehonech set gar bemekina siyalf ayehute ke ezi befit ke 3 amet befit maletnew kezich set gar ayechew neber ahun gen ewenetun endi negregne teyekut eshi belo negregne bale tedare ena yelejoche enat endohonech yemiyawekat ke 12 amet befit endhone sex endmiyareguna le birr belo endekerebat sex laye gen endematemchew negregne emigermew gen edmewe ke 46 eske 50 yehonal seraw mehandise sihone menoriya betem alew selezi sew men temekrugnalachu mekrachun etebekalhu

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s